21/06/1998
Ons was met Lincoln se "fastball' span na 'n toernooi
in Red Deer (so 150km van Calgary). Ons het maar die Vrydag ons oortyd
gevat en die Vrydag by Sylvan Lake gaan kampeer. Ek is natuurlik nie baie
lief vir die gewone kampeer tipe opset nie - sit in 'n druppende tentjie
terwyl jy natter en natter word en probeer maak as of dit prent is! Renee
vertel my ek is nou dom, dit sal nie reen nie. Vrydag middag toe ons in
Calgary wegtrek is die donderwolke al baie sigbaar. Teen die tyd wat ons
by Sylvan Lake uit kom is dit baie dreigend en die wereld is duidelik nat.
Toe ek gaan betaal by die kampeerterrein vertel die tannie my sy het ons
al gebel by die huis om te sê ons moet liewer nie kom nie. Daai tyd
was daar 'n totale vuurperk - mens kon glad nie vuur maak nie want daar
was honderde brande in Alberta - die droer winter en lente was die probleem.
In elkgeval, teen 7nm was die vuurperk ook nie meer 'n saak nie, die wereld
was so nat dat dit sommer van die brande geblus het. In die weer kamp ons
dan!
Na 'n nat nag was ons na Red Deer vir die toernooi
waar dit so bietjies bietjies gereen het terwyl die manne gespeel het-
Saterdag middag reen dit dat dit biesies bewe. So tussen die reen kon ons
darem die Sylvan Lake uitkyk. As mens al die "Beach Road" van die Strand
in die Kaap ervaar het, sal jy jou Sylvan Lake se "Lakeside Drive" kan
verbeel - dit is so pad enkele meters van die water met die ander kant
van die pad kitskosplekke, restaurante, koffiekroee, ens. Die engiste ding
wat verskil is natuurlik dat daar nie groot golwe is nie. Die strokie tussen
die pad is baie mooi - bome, grasperke ens. Die water daar is baie vlak
- mens kan so 100m uitgaan en dan is die water nog vlak - nie dat ons daai
tyd in die water wou gaan nie!
Die landskap tussen Red Deer en Calgary is ook baie
mooi - uitgestrekte velde en plase. Die plase het almal hierdie rooibruin
skure soos mens in die flieks sien - baie mooi.
20/01/99